I dä letschtä Saison hät’s für dä MC Gallus riesigi Bewegigä gä, händ mer doch än hufä neui Mitglieder übercho und Baby’s sind grad au no vieri cho.

Denn händ no än Hufä um ihri Bike’s gfürchtät. Händ doch alli äfang ihri Altersgebrächä und trotzdem händ’s müessä dur Alterskontrollä bi dä MFK.

Am 3. Mai hämmer denn au s’Töff-Fit gha i dä Garage vom Bruno. Muetig sind mer alli a s’Wärk gangä, händ gschrüblät, putzt, poliert, ghämmeret und gschmiert, während d’Sonja s’Auto poliert. Bim Hampi und dä Carmen isch üsä Durscht glöscht wordä, aber nöd dä vo dä Töff, drum hät dä Hampi mit änärä Champagnerfläschä müessä Moscht go holä. Hahaha !!!

A dä Ufahrt, wie so immer, hät’s grägnät, grägnät, grägnät. Anstatt ä knalligi Töffusfahrt sind mer än wässrigä Film go luegä und aschlüs- send im Da Pietro go ässä.

Doch a dä Pfingschtä do häts klöpft, denn ab äm Thomas sin Töff sind einigi vochlöpft. S’Hotel in Thann isch ä Katastrophä gsi, d’Better sind duräghangä, dä Zmorgä isch mikrig gsi, i dä Duschi häsch di chum chönä dreiä und wenn im Zimmer vom Hampi und dä Carmen s’Wasser igschtellt wordä isch, meinsch än d’Traktor fahrt durs Huus. Nöd nur mer händ gmotzt, üsi Töff au. Di Eintä händ z’viel Luft gha und die Anderä z’wenig. Bi dä Eintä sind Gepäckträger oder Gummidichtig brüchig wordä oder händ süs uf dä Schtrecki näbis volorä. Kei Wunder bi dem Tempo wo mer druf gha händ. Am Sunntig bi schlächtem Wetter händ sich alli unterschiedlich vo- gnüegt. Di Eintä sind im Bett blibä, Andri go jassä und die Hartä händ gwartät bis schöner wordä isch. Am Mäntig für d’Heifahrt häts dä Petrus wieder guet mit üs gmeint. Zum Glück chunt au ämol än Autofahrer an Schtamm, süs hätti dä Hampi sin Töff müessä hei schiebä. Di neu Batterie hät denn au än Alaufschubs brucht.

Am 30. Mai händ d’Sabine und dä Bruno müessä, wöllä, dörfä hürotä. Mer händs natürli nöd ällei dä Schritt machä lo und sind mit üsnä Töff Spalier gschtandä, weli ghupät und gasät händ.

A üsärä Alpärundfahrt im Juni sind mer in Schwarzwald in äs Biker- hotel. D’Töff sind damol alli super glofä und s’Hotel hät au kei Wünsch offälo. Dä Hotelführer hät so Freud a üs gha, dass er üs am Sunntig dä Schwarzwald zeigät hät. D’Landschaft isch super gsi, nur händ mer däbi müessä luegä, dass üs kei Entä überholt.

Äm Bruno und dä Sonja ihres Gartäfäscht: zwar kei Ri- sondern än Wasserfall.

12.-14. Juli Frauäusfahrt, pikelhart wie d’Frauä sind, wird au ä därä Usfahrt teilgno, sind doch zwei Schwangeri im Auto mitcho. Mer sind via Flüelä-Ofäpass an Montigglsee. Bim Obigässä hät sich d’Sonja als super Wiikenneri bewährt, hät si doch än Zapfäwii als usgezeichnät bewertät. Vier Augäpaar händ si bim erschtä Schluck ganz entsetzt agluegät und schlünigst ä neui Fläschä bschtellt. Am Sunntig sind mer zerscht go lädälä uf dä Pragelpass und aschlüssend am See go sünälä und plantschä.Am Mäntig isch es wieder fürchter zue und her gangä, am Julierpass häts grägnät wie us Chübel und denn hämer dä schnellst Wäg über d’Autobahn hei gno.

A dä Oldiesparty bim Hampi und dä Carmen isch d’Schtimmig super gsi, s’Ässä guet, d’Musik alt und s’Trinkä prozentig. Dä Schlofmütze- jass, er wüessät jo vo wem, dä hät bi Einigä vor Lachä Tränä i d’Augä gä.

Alli Johr wieder, dä erscht August is üsäs Sorgächind, chönt mer doch nie ä Usfahrt machä. S’Wetter isch so schlächt gsi, dass sogar äs Für is Wasser gheit isch. Aber dä Spaghettiplausch bi Gämpis isch luschtig gsi.

Am 2. August händ di wo „müessä, wöllä, dörfät“ dä Robin uf d’Welt gschtellt. Druf abä händ mer am 8. August dä stolzi Vater igweiht. Trunkä hät er eigentli garnöd viel, aber d’Wirkig isch trotzdem gwaltig gsi.

Bewaffnet mit Helm und Lampä sind mer am 16. August mit äm Zügli is Erzbergwerk Gonzä inä gfahrä. Ganzi zwei Schtund sind mer umägwanderät und händ aschlüssend bimänä feinä, schwarfä Gulasch (gell Roli) und Wii i dä Schtolläbeiz dä Magä gfüllt. Isch eifach super gsi. Gmüetlich händ mer s’neue Huus vom Armin und dä Ursi igweiht. Es isch so lässig gsi, dass alli lang ghockät sind.

D’Alpäwanderig händ mer uf äm Schiff vobrocht, bimänä chin. Ässä. Zum Glück häts üs nöd wäggschwemmt.

A dä Vorschtandsitzig sind nöd alli awesend gsi, do dä Paul häts unterloo, d’Info witerzgäh.

A dä VV sind widerstandslos dä Roli, d’Mica und d’Carmen neu ufgno wordä.

D’Herräusfahrt isch wie immer gsi (siehe letzte Chroniken).

D’Regula isch schaurig überrascht wordä, als mer am 6. Dez. ihren 30. gfirät händ. Do sind alli so erstunt gsi, dass d’Regula mol sproch- los gsi isch.

Wunschlos glücklich, s’Zweite isch do: Dario Simon / 10. Dez.

D’Quartiervaria ums Chloschterviertel isch z’ruhig gsi, häts doch kein Abschturz geh. Dofür händ mer fascht dä Beat chönnä vokupplä, aber nur fascht !!!

Am Silvester sind mer Mexikanisch überägrutscht. Also s’Pris – Leischtigsvohältnis hät garnöd gschtummä, dä hät üsärä guetä Lunä kei Abbruch tue. Dä Schlummerdrunk hämmer i dä Monti Bar gno.

A dä Nachtwandrig sind mer mit äm Tram i d’Vögelinsegg, g’wanderät via Waldegg (Huuscafi) i d’Schäflinsegg (Nachtässä) und zrugg mit dä Monti i d’Monti Bar. D’Nacht isch hell und warm gsi.

Sechs Schlittler sind in Köbelinsberg ue, aber gässä händs für Zwölf. D’Abfahrt isch au entsprechend schnell gsi, do s’Gwicht vo dä Vesperplattä däzue cho isch. Sie händ denn no nöd gnueg gha und sind s’Degersheim mit äm Räst vom Club go chinesisch ässä.

Ab am 26. Jan. 98 isch d’Familiä Schindler z’Viertä: Rico

Am Bruno sin 40. Geburi isch glungä gsi. S’Menue hät gmundät, d’Musik hät dä Ohrä au nöd weh tue und hät zum Tanzä igladä.Dass dä Hampi au no me wie chochä und Ölwechsel cha machä, hät er mit sinerä Schnitzelbank bewisä. D’Modeschau, darbotä vo dä Männer, mit dä neue Summerkollektion, hät allnä riesig gfallä.

Jetzt isch si nöd nur s’Paris, sondern au s’Gontä: Mona Lisa / 6. Feb.

Am Schiweekend i dä Flumserberg isch nöd nur Schigfahrä wordä, sondern au recht trunkä, hät doch dä Paul als neui Vater müessä draglaubä. Am Samstig sich s’Wetter super gsi und garnöd viel Lüt, aber än hufä Snöber (gell Roli). D’Wasserschi händ mer nöd däbi gha, drum sind mer am Sunntig früeh heigangä.

D’Vorschtandsitzig, damol komplett, neu mit äm Beat als Aktuar.

A dä erschtä Töffusstellig in St. Gallä sind mer au no gsi, doch Begeischterig hät sich i Grenzä ghaltä.

D’HV hät nöd grossi Gschäft geh, usert, dass dä Stefan provisorisch däzue cho isch.

D’Autorä Regula Paul Sönä